Tababaraha kooxda Real Madrid Carlo Ancelotti ayaa sheegay in kooxdu aysan samayn doonin wax qorshe ah marka la gaadho suuqa January ilaa uu ka dhamaanayo kulanka Sevilla ee December 22.
Los Blancos ayaa dhaawac ku wayday Eder Militao iyo Dani Carvajal inta ka dhiman xilli ciyaareedkan, halka Lucas Vazquez, Rodrygo, Aurelien Tchouameni iyo David Alaba ay sidoo kale haatan dhaawac yihiin.
Real Madrid ayaa dhawaan lala xiriirinayay inay dhaqaaqayso saxiixa ciyaaryahankeedii hore ee Casemiro, iyadoo Los Blancos la sheegay inay u furan tahay inay dib ugu soo celiso Bernabeu ciyaaryahanka khadka dhexe.
Si kastaba ha ahaatee, Ancelotti ayaa diiday inuu ka hadlo arintaas markii wax laga waydiiyay qorshaha kooxda ee suuqa January.
“Kadib kulanka Sevilla ee December waxaan ka fiirsan doonaa waxa la sameeyo inta lagu jiro suuqa kala iibsiga January”ayuu Ancelotti yidhi.
Be the first to comment