Reece James ayaa diyaar u noqon doona inuu kabtan ka noqdo Chelsea kulanka ay caawa la ciyaarayaan Leeds, haddii uu ka bogsado xanuun hayay.
James ayaa ka soo kabsaday dhaawacii ku qasbay inuu seego kulamadii Arsenal iyo Wolves.
Si kastaba ha ahaatee, isagoo ka hadlayay shirkiisa jaraa’id ee ka hor kulanka Isniintii, Liam Rosenior ayaa shaaca ka qaaday in James uu la tacaalayay xanuun.
Arrintan ayaa imaneysa kaddib markii fayras uu ku faafay xerada Chelsea dhowr toddobaad ka hor, bilowgii xil-haynta Rosenior.
Iyadoo safar FA Cup ah oo ay Jimcaha ku tegi doonaan Hull uu sugayo, Rosenior waxaa la filayaa inuu mar kale soo magacaabo shax adag kulanka Leeds, ka hor inta uusan nasin qaar ka mid ah xiddigihiisa muhiimka ah kulanka wareegga afaraad.
Rosenior sidoo kale wuu adeegsan karaa Mamadou Sarr oo dib loo soo celiyay, kaasoo fadhiyay kursiga keydka kulankii ka dhacay Molineux, halka Andrey Santos isna uu diyaar yahay inkastoo khadka dhexe laga saaray daqiiqadihii dambe ee kulankii Wolves.
Jamie Gittens weli ma aha mid la heli karo kaddib markii uu jeex ka soo gaaray muruqa bowdada qeybtii hore ee guushii 3-2 ahayd ee ay ka gaareen West Ham.
Chelsea sidoo kale kulanka Leeds waxay ka maqnaan doonaan ciyaartoyda dhaawacan ee Dario Essugo, Romeo Lavia iyo Levi Colwill, inkastoo Lavia uu tababar la qaatay kooxda labadii maalmood ee la soo dhaafay.
Be the first to comment