Antoine Semenyo ayaa digniin u diray Liverpool, isagoo sheegay in Manchester City ay yihiin “gacmaha dabka ku jira” diyaar u ah kulanka muhiimka ah ee Axadda ka dhici doona Merseyside.
Pep Guardiola wuxuu kaliya hal mar ku guuleystay Anfield 10-dii booqasho ee uu ku tegay tan iyo markii uu hogaamiyay Manchester City 2016.
Guushii keliya waxay dhacday iyadoo aan dadku joogin garoonka, sababtoo ah faafida Covid-19.
Guardiola wuu ogyahay inuusan awoodin inuu sameeyo khaladaad dheeraad ah xilli ciyaareedkan, isagoo isku dayaya inuu Arsenal ka horreeyo tartanka horyaalka.
City ayaa kulanka gali karta iyaga oo 9 dhibcood ka dambeeya Arsenal haddii hoggaamiyeyaasha horyaalka ay guul ka gaaraan Sunderland.
Cadaadisku wuxuu saaran yahay City si ay u garaacaan tartamayaashooda ugu waaweyn.
Semenyo ayaa qirtay in kooxda Guardiola ay yihiin kuwo dhiirran oo diyaar u ah mid ka mid ah kulamada ugu qarxinta badan xilli-ciyaareedka.
“Anigoo ka mid ah dadka dibadda ka joogay ka hor inta aan halkan imaan, had iyo jeer waxay ahayd madadaalo in la daawado City iyo Liverpool. In aan qayb ka noqdo waa wax aan aad ugu faraxsanahay , balse waxay noqon doontaa caqabado.”ayuu Yidhi Semenyo
“Laakiin waxaan u diyaar garownay, waxaana diyaar u ahaan doonnaa maalintaas. Waxaan aad u sugayaa ciyaarta.”
Be the first to comment