Chelsea ayaa dadaal xooggan ku bixinaya inay Jeremy Jacquet la saxiixdaan bisha January, kadib wareeg cusub oo wada-xaajood ah oo ay la yeesheen daafaca dhexe ee kooxda Rennes.
Jacquet ayaa noqday bartilmaameed weyn oo suuqa kala iibsiga ah, iyadoo Chelsea ay doonayso inay xoojiso difaaceeda bishan.
Khabiirka suuqa kala iibsiga Florian Plettenberg ayaa shaaca ka qaaday in “wada-xaajood dhab ah” uu shalay dhex maray Chelsea iyo Rennes.
Chelsea waxay rabtaa inay Jacquet la saxiixato bisha January, balse Plettenberg wuxuu sheegay inaysan la geli karin wadahadal toos ah ciyaaryahanka ilaa ay heshiis la gaaraan Rennes.
Rennes ayaa laga yaabaa inay diidaan iibinta Jacquet ilaa xagaaga, maadaama loo arko ciyaaryahan muhiim u ah dadaalkooda ku aaddan u soo bixidda Tartanka Champions League.
Chelsea ayaa la sheegay inay diyaar u yihiin inay bixiyaan £43.3 milyan si ay u helaan Jacquet.
Be the first to comment