Weeraryahankii hore ee Aston Villa, Gabriel Agbonlahor, ayaa sheegay in Arsenal ay si “fudud” ugu guuleysan karto dhammaan tartamada ay ka qeyb-galayso xilli-ciyaareedkan.
Kooxda uu hoggaamiyo Mikel Arteta ayaa haatan hoggaanka u haysa labada Premier League iyo Champions League.
Gunners-ka ayaa Chelsea 3–2 kaga adkaaday lugtii hore ee semi-finalka Carabao Cup, waxaana ay wajahayaan Wigan wareegga shanaad ee FA Cup-ka.
“Kooxaha kale ee Premier League-ga waa inay feejignaadaan, sababtoo ah Arsenal si fudud ayey ugu guuleysan kartaa tartan kasta oo ay ku jirto,” ayuu Agbonlahor ku yiri talkSPORT.
“Arsenal hadda fursad weyn ayey u haystaan inay ku guuleystaan Carabao Cup-ka, waxayna ku jiraan xaalad aad u fiican oo ay Chelsea gurigooda kaga adkaan karaan, kaddibna waxay u badan tahay inay la ciyaaraan City, taas oo labada dhinacba u dhici karta.
“Premier League-ga, waxay u muuqdaan kuwo doonaya inay qaadaan. Champions League-gana? Fursad walba way haystaan.
“Waxay haystaan fursad aad u wanaagsan oo ay ugu yaraan ku qaadi karaan laba koob ama afar koob”
Be the first to comment