Ugu yaraan afar ka mid ah ciyaartoyda muhiimka ah ee Manchester United ayaa ka maqnaa tababarkii Khamiista, ka hor kulanka horyaalka Premier League ee ay kooxdu toddobaadkan la ciyaari doonto Liverpool.
Waxa ka mid ah kabtanka Bruno Fernandes, Casemiro, Matheus Cunha iyo Amad Diallo.
Afartaan ciyaartoy ayaa seegay tababarka, maadaama tababaraha Ruben Amorim uu siiyay kooxdiisa waqti dheeraad ah oo fasax ah, gaar ahaan ciyaartoydii kasoo noqday waajibaadkoodii qaranka.
Cunha iyo Casemiro labaduba waxay u ciyaareen xulka Brazil iyagoo ku sugnaa Aasiya.
Fernandes, oo u ciyaaray Portugal, wuxuu ciyaaray meel u dhow gurigiisa, iyadoo ay barbaro la galeen xulka Hungary.
Dhanka kale, Amad wuxuu muujiyay qaab ciyaareed heer sare ah isagoo u ciyaaraya Côte d’Ivoire, kuwaas oo ku dhammeystay kaalinta koowaad ee Group F ee isreeb-reebka Koobka Adduunka Afrika ee 2026.
Manchester United waxay rajaynayaan inay gaadhaan guulo xiriir ah oo Premier League ah markii ugu horraysay xilli ciyaareedkan.
Be the first to comment