Chelsea ayaa heshay war farxad leh iyadoo Wesley Fofana uu dib ugu soo laabtay tababarka buuxa toddobaadkan.
Daafaca reer France ayaa seegay saddexdii kulan ee ugu dambeysay ee Chelsea kaddib dhaawac madaxa ah oo soo gaaray kulankii wareegga saddexaad ee Carabao Cup ay kaga badiyeen Lincoln City bishii Sebtembar, taasoo si weyn u saameysay difaaca kooxda.
Sida waafaqsan xeerarka soo kabashada dhaawaca maskaxda, Fofana waxaa lagu qasbay inuu garoomada ka maqnaado muddo 12 maalmood ah.
Hadda waqtigaas wuu dhammaaday, wuxuuna dib ugu laabtay tababarka, sida sawirro ay kooxda baahisay muujinayaan, iyagoo si weyn ugu farxay inuu kusoo laabto iyada oo lagu jiro fasaxa caalamiga ah.
Tababaraha Chelsea, Enzo Maresca, ayaa ku khasbanaaday inuu isticmaalo Jorrel Hato iyo xitaa Reece James oo ah daafac midig, isagoo ka ciyaarsiinayay daafaca dhexe sababo la xiriira dhaawacyada Fofana, Benoît Badiashile, Trevoh Chalobah iyo Levi Colwill, taasoo keentay in kooxdu ay la dhibtooto dhanka daafaca.
Soo laabashada fudud ee Wesley Fofana waxay ka dhigan tahay in daafaca 24-jirka ah uu diyaar u noqon karo kulanka xiga ee Premier League ee ay Chelsea la ciyaari doonto Nottingham Forest.
Kulankaas ayaa noqon doona mid ay Chelsea wajahdo tababare Ange Postecoglou, kaas oo weli guul la’aan ah tan iyo markii uu xilka la wareegay kooxda, isagoo hoggaamiyay toddobo kulan.
Be the first to comment