Ciyaaryahankii hore ee xulka Scotland, Ally McCoist, ayaa taageeray weeraryahanka Manchester City, Erling Haaland, in uu jebin karo rikoodhka kabtanka Al Nassr, Cristiano Ronaldo, ee goolasha ugu badan ee laga dhaliyay tartanka UEFA Champions League.
McCoist ayaa sheegay in xiddiga reer Norway uu gaari karo heerkaas haddii uu ka badbaado dhaawacyo inta uu ciyaarayo xirfaddiisa dahabiga ah.
Haaland ayaa ilaa hadda dhaliyay 50 gool isagoo ciyaaray 49 kulan oo Champions League ah, halka Ronaldo uu leeyahay 140 gool oo uu ka dhaliyay 183 kulan.
“Xaqiiqda ah in aan ka hadlayno Erling Haaland oo suurtagal ah inuu jabiyo rikoodhka Cristiano Ronaldo ee (Champions League) waa wax layaab leh,” ayuu McCoist u sheegay talkSPORT
“Waligay ma malaynaynin in rikoodhka Ronaldo la jabin karo, marnaba.
“Laakiin waa inaad dhahdaa, haddii uu ka fogaado dhaawacyo, wuu jabin karaa rikoodhkaas iyo kuwo kaleba.”
Be the first to comment