Kobbie Mainoo ayaa u sheegay Manchester United inuu doonayo inuu si joogto ah uga tago kooxda oo uu ku biiro kooxda horyaalka Talyaaniga ee Napoli ka hor maalinta ugu dambeysa suuqa kala iibsiga.
Mustaqbalka xiddiga xulka England ayaa shaki la galay toddobaadkan ka dib markii la ogaaday inuu si dhab ah uga fiirsanayo mustaqbalkiisa garoonka Old Trafford.
Iyadoo ololaha Koobka Adduunka ee xulka England uu ka harsan yahay wax ka yar hal sano, ciyaaryahanka 20-jirka ah ayaa si aad ah u doonaya inuu xilli ciyaareedkan ka ciyaaro kooxda koowaad.
Ka tagistiisa Man United ayuu u arkaa mid ka caawinaysa in uu helo koox uu si joogto uGu ciyaaro xilli ciyaareedkan.
Warbixino ayaa sheegaya in Mainoo uu codsaday in amaah lagu diro ka hor inta uusan xirmin suuqa kala iibsiga Isniinta.
Si kastaba ha ahaatee, wargeyska The Mirror ayaa haatan sheegaya in Mainoo uu u sheegay kooxda inuu si degdeg ah u aqbali lahaa fursadda uu ugu biirayo Napoli heshiis joogto ah.
Kooxda horyaalka Serie A-da ayaa horey u diyaarisay heshiis afar sano ah oo uu Mainoo saxiixi doono haddii Manchester United go’aansato inay ka faa’iideystaan oo ay iibiso.
Be the first to comment