Kooxda Real Madrid ayaa ka warbixisay xaalada xiddiga Kylian Mbappe kaas oo dhaawac uga baxay kulankii ugu dambeeyay ee kooxdiisa.
Mbappe ayaa dhaawac uga baxay kulankii champions League ee ay kooxdiisu la ciyaartay Atalanta kulan ka tirsanaa wareegii 6-aad ee heerka Group-yada.
Bayaanka kooxda Real Madrid ayaa u dhignaa sidan: “Kadib baaritaano Lagu sameeyay Kylian Mbappé waxaa lagu ogaaday inuu dhaawac ka qabo bowdada lugta bidix.”
Kooxda Real Madrid ma aysan bixin wax macluumaad ah oo ku saabsan mudada uu maqnaanayo ciyaaryahanka, laakiin qaar ka mid ah wargeysyada Isbaanishka ayaa sheegay in mudada maqnaanshaha xiddiga Faransiiska ay gaari karto 10 maalmood.
Taas oo la macno ah in aanu ka qayb gali doonin kulanka sabtida ee ay la ciyaarayaan Rayo Vallecano kulan ka tirsan La Liga halka uu shaki ku jiro final-ka Intercontinental Cup Arbacada soo socota.
Be the first to comment