Saliba: Waxa Aan Doonaynaa In Aan Guuldaro La’aan Ku Dhamaysano Xilli Ciyaareedka.

Daafaca kooxda Arsenal ee William Saliba ayaa kooxdiisa Arsenal u sheegay in ay guuldaro la’aan ku dhamaysataan inta ka dhiman xilli ciyaareedkan.

Saliba ayaa mar kale wacdaro dhigay kadib markii ay 3-0 kaga badiyeen Monaco habeenkii Arbacada, taasoo sii dheereysatay guuldarro la’aanta kulamadii ugu dambeeyay xilli ciyaareedkan.

Gunners ayaa badisay sagaal ka mid ah 11-kii kulan ee ay garoonkeeda ku ciyaartay tartamada oo dhan,waxana ay barbaro la gashay Brighton iyo Liverpool.

Kooxda ka dhisan waqooyiga London ayaan wax guuldaro ah kala kulmin garoonkeeda tan ilaa markii ay guuldaro 2/0 ay kala kulmeen Aston Villa taasoo ka dhigan guuldarada kaliya ee 22kii kulan ee ugu dambeysay.

Isagoo dib u milicsanaya guushii ay ka gaareen Champions League Saliba ayaa yidhi”Marka aan bilowno xilli ciyaareedka, waxaan dooneynaa inaan koobab ku guuleysano, dabcan, xilli ciyaareedkaan, waxa aan nahay guuldaro la’aan aynu sidaas ku sii socono, waxa aan rajaynayaa in aan guuldaro la’aan ku dhamaysano inta ka dhiman xilli ciyaareedka”.