Ciyaaryahan afar koob oo Premier League ah kula soo guuleystay Manchester United ayaa sharraxay sababtii uu xiddiga cusub ee Chelsea Jadon Sancho ugu fashilmay Man United.
United ayaa ku qarash gareysay 73 milyan si ay Sancho u keento kooxda 2021 ka dib markii ay daawadeen qaab ciyaareed wanaagsan oo Bundesliga ah oo uu la qaatay Borussia Dortmund.
Wax badan ayaa laga filanayay xiddiga garabka ka ciyaara laakiin waxa uu dhaliyay kaliya seddex gool oo Premier League ah xilli ciyaareedkiisii ugu horreeyay ee United ka dibna waxana uu amaah uga tagay kooxda kadib markii ay isku dheceen Erik Ten Hag.
Sancho ayaa mar kale ku biiray kooxda chelsea suuqii xagaaga waxana uu soo bandhigay qaab ciyaareed cajiib ah isaga oo dhaliyay 2 gool 3 kalena caawiye ka noqday.
Mikel Silvestre oo kooxda Man United Halyeey ka ah ayaa Sancho ku taageeray in uu muhiim u noqdo kooxda Chelsea.
“Sancho waxa uu ku ciyaarayaa farxad,waxana uu muujiyay in uu muhiim u noqon karo Chelsea”ayuu Silvestre yidhi.
“Waa mid mar kale si fiican u ciyaaraya waxana uu rumaysan yahay tababarihiisa waxana uu diyaar u u yahay in uu u shaqeeyo si adag mana uusan doonayn in uu sidaas sameeyo markii uu joogay Man United”.
Be the first to comment