Kooxda sucuudiga ka ciyaarta ee Al-Ittihad ayaa Dalab 35 milyan ah ka gudbisay saxixia xiddiga garabka uga ciyaara Arsenal ee Leandro Trossard, sida ay wararku sheegayaan.
Ciyaaryahanka heerka caalami ee dalka Belgium ayaa ku biiray kooxda Mikel Arteta sanadkii hore waxana uu ugu biiray heshiis 27 milyan ah.
Tan iyo markii uu u dhaqaaqay Gunners, 29-sano jirkaan ayaa dhaliyay 19 gool, waxaana loo diiwaan geliyay 12 caawin 71 kulan oo uu saftay.
Suuqa kala iibsiga ciyaartoyda Premier League ayaa hadda xirmay laakiin kooxaha Sacuudiga ayaa wali ciyaartoy la soo saxiixan kara ilaa fiidnimada caawa oo isniin ah.
Sida laga soo xigtay Fabrizio Romano, Al-Ittihad ayaa dalabkii ugu dambeeyay ka gudbiyay Trossard kaas oo dalab 35 milyan euro ah.
Dhanka kale, The Athletic ayaa ku warameysa in Arsenal ay diiday dalabka Al-Ittihad Iyada oo xiddiga u aragta mid muhiim lama taabtaan ah.
Be the first to comment