Kooxda Man United ayaa guuldaro lama filaan ah kala kulantay kooxda West Ham kulan ka tirsanaa premier League.
Kulanka ayaa ahaa mid ay United ahayd kooxda fiican iyaga oo West Ham kaga fiicnaa maamulista ciyaarta iyo sidoo kale fursadaha la abuurayo.
Man United ayaa ku dhibaatoonaysay in ay gool u badasho fursadaha ay helaysay xilli ay West Ham difaac ku jirtay.
Waxa bar-baro gool la’aan ah ku dhamaatay qaybta hore ee ciyaarta oo ayna midkoodna dhalin wax gool ah.
Qaybta dambe ayay West Ham si dar-dar leh ku bilaabatay ciyaarta iyaga oo doonayay goolal.
Daqiiqadii 74-aad ayay West Ham dhalisay goolka 1-aad waxana u dhaliyay Cryencio Summerville kaas oo ciyaarta ka dhigay 1/0.
Laakiin Man United ayaa daqiiqadii 81-aadba ku soo laabatay ciyaarta waxana bar-baraha u dhaliyay Casemiro kaas oo ciyaarta ka dhigay 1/1.
Kooxda West Ham ayaa rikoodhe loo dhigay kadib markii De ligt khalad ku galay xiddig u ciyaara kooxda West Ham.
Waxa daqiqiadii 90+2-aad gool u badalay rikoodhada xiddiga Jarrod Bowen kaas oo ciyaarta ka dhigay 2/1 ay West Ham ku hogaaminayso ciyaarta.
Waxa sidaas ku dhamaatay ciyaarta oo ay Man United sii wado guuldarooyinkii premier League ee xilli ciyaareedkan.
Be the first to comment