Kabtankii hore ee Manchester United, Roy Keane, ayaa saadaaliyay kulanka finalka Europa League ee toddobaadkan dhexmari doona Red Devils iyo Tottenham Hotspur.
Labada kooxood ee Premier League ayaa isku wajahaya koobka habeenka Arbacada magaalada Bilbao.
Labada Ruben Amorim iyo Ange Postecoglou ayaa isku dayi doona in ay xilli ciyaareedkooda liita ku soo gabagabeeyaan koob, taas oo sidoo kale dammaanad qaadi doonta booskooda Champions League xilli ciyaareedka soo socda.
Spurs ayaa laba jeer garaacday United ololahan xilli ciyaareedkan sidoo kale waxay ka cirib tirtay afar dhammaadka Carabao Cup bishii December.
Keane ayaa aaminsan in United ay badin doonto ciyaarta, sababtoo ah taariikhdooda Final-ka waa weyn iyo tayada shaqsiyeed ee Bruno Fernandes.
“Weli waa inaad jeclaataa United, qof sida Bruno oo kale ah ayaa soo saari kara, taariikhda Manchester United weli waxay xambaarsan tahay xoogaa culeys ah,” Keane ayaa u sheegay Sky Sports.
Ma jiraan wax badan oo u dhexeeya iyaga [horyaalka] laakiin marka la joogo Final taariikhda United ee finalka, koobab ku guulaysteen dhawrkii sano ee la soo dhaafay, waxaad jeclaan lahayd inaad u malaynayso inay heli doonaan aqoon ka badan ciyaarta marka loo eego Spurs.
“Taasi waxay u horseedi kartaa iyaga, waxaana u maleynayaa in Bruno uu sixir samayn doono”.
Be the first to comment