Jamie Carragher ayaa sheegay inuu filayo in Mikel Arteta uusan shaqada laga ceyrin doonin xitaa haddii Arsenal ay xilli ciyaareedkan mar kale ku dhammayso kaalinta labaad ee Premier League—taas oo noqon lahayd markii afraad oo xiriir ah.
Arsenal waxay fursad u haysatay inay hoggaanka horyaalka ka dhigto 12 dhibcood horaantii bishan, balse guuldarro lama filaan ah oo ay gurigooda kaga soo gaartay AFC Bournemouth ayaa hakisay horumarkooda.
Farqiga dhibcaha ayaa Axaddii hoos ugu dhacay 3 dhibcood kadib markii Manchester City ay 2-1 kaga adkaatay kooxda hoggaanka haysay, iyadoo Erling Haaland uu dhaliyay goolka guusha ciyaar ka dhacday garoonka Etihad.
City—oo hal kulan ka hoosaysa Arsenal—ayaa dib u ciyaari doonta laba maalmood gudahood marka ay la kulanto Burnley. Haddii ay halkaas guul ka gaaraan, waxay noqon doonaan hoggaamiyeyaasha horyaalka markii ugu horreysay tan iyo bishii October, iyadoo ciyaarta ka dhici doonta Turf Moor.
Dhanka kale, tababaraha Pep Guardiola ayaa weli ku rajo weyn in kooxdiisu ay cadaadiska ku sii hayso Arsenal ilaa dhammaadka xilli ciyaareedka.
Arsenal ayaa ciyaarta xigta ku martigelin doonta kooxda Newcastle United, taas oo ku jirta qaab ciyaareed aan fiicnayn.
Natiijo dhiirrigelin ah oo ka dhacda garoonka Emirates Stadium waxay noqon kartaa mid muhiim u ah sii noolaanshaha rajada kooxda ee hanashada horyaalka Premier League markii ugu horreysay 22 sano gudahood.
Ka dib guuldarradii ka soo gaartay Manchester, tababaraha Mikel Arteta ayaa si adag u difaacay kooxda, isagoo sheegay in kalsoonidiisa aysan hoos u dhicin.
ayaa sheegay in tartanka horyaalka Premier League uusan weli dhammaan, inkastoo uu aaminsan yahay in Manchester City ay hadda gacanta sare ku hayaan tartanka kadib ciyaartii uu ku tilmaamay mid “aad u heer sareysa” oo ka dhacday garoonka Etihad.
Isagoo ka hadlayay xaaladda tartanka hal maalin kadib guuldarradii Arsenal, Carragher wuxuu sheegay in xilli ciyaareedku weli furan yahay, balse City ay hadda heleen faa’iido muhiim ah.
“Waxaan u maleynayaa City inay faa’iido haystaan,” ayuu yiri Carragher.
Wuxuu tilmaamay in aan kaliya laga hadlayn ciyaartaas kaliya, balse sidoo kale taxanaha natiijooyinka iyo qaab ciyaareedka kooxda uu saameyn ku yeelan karo xaaladdooda maskaxeed.
Carragher wuxuu yiri:“Waxaan u maleynayaa in momentum-ka, khibradda, iyo sida ay taasi u saameyso Arsenal maskax ahaan… ma aha kaliya ciyaartaas, balse sidoo kale taxanaha ciyaaraha ay ku jiraan iyo qaab ciyaareedkooda.”
Wuxuu sidoo kale sheegay in inkastoo ay Arsenal muujiyeen bandhig ka wanaagsan kulankii Manchester City, haddana ciyaartu ay ahayd mid aad u heer sareysa.
“Waa ciyaar aad u fiican, runtii waa mid ka tarjumeysa labada kooxood iyo labada tababare. Waxay ahayd ciyaar heer sare ah,” ayuu Carragher raaciyay, isagoo ammaanay tayada labada dhinac.
Be the first to comment