Wararka suuqa kala iibsiga ayaa sheegaya in kooxaha waaweyn ee Premier League ay indhaha ku hayaan ciyaartoy dhowr ah, iyadoo qaar kamid ah kooxaha ay qorsheynayaan inay suuqa dib ugu laabtaan bisha Janaayo.
Liverpool oo xiisaynaysa Kees Smit
Liverpool ayaa daawatay ciyaaryahanka khadka dhexe ee AZ Alkmaar, Kees Smit, xilli uu kooxdiisu wajahday Sunderland tartanka Europa League toddobaadkan.
20-jirka reer Netherlands ayaa lagu qiimeeyaa £51.5 milyan, waxaana sidoo kale xaaladdiisa la socda Chelsea, Tottenham, Nottingham Forest iyo Aston Villa.
Teamtalk ayaa warisay in kooxahaasi ay si dhow ula socdaan horumarka Smit.
Manchester United oo isha ku haysa Branthwaite
Manchester United ayaa la socota qaab ciyaareedka daafaca Everton iyo xulka England ee Jarrad Branthwaite.
24-jirkan ayaa kamid ah ciyaartoyda ay United muddo indhaha ku haysay, sida ay sheegtay Football Insider.
Tottenham oo hormuud ka ah tartanka Arthur Dias
Tottenham ayaa lagu soo waramayaa inay hormuud ka tahay kooxaha doonaya daafaca reer Brazil ee Arthur Dias, kaas oo 19 jir ah kana tirsan Athletico Paranaense.
Newcastle United, Nottingham Forest iyo Brentford ayaa sidoo kale la socda ciyaaryahanka, waxaana lagu qiimeeyaa €30 milyan, sida ay sheegtay Teamtalk.
Monaco oo qorsheynaysa iibinta Balogun
Monaco ayaa xaqiijisay inay qorsheyneyso inay iibiso weeraryahanka Mareykanka Folarin Balogun bisha Janaayo.
25-jirka ayaa maalintii ugu dambeysay suuqa kala iibsiga ka fikiray heshiis uu ugu biiri lahaa Everton, sida ay sheegtay Standard.
Chelsea iyo Josh Acheampong
Dhowr kooxood oo Yurub ah ayaa isha ku haya xaaladda daafaca Chelsea ee Josh Acheampong.
20-jirka reer England ayaa soo jiitay xiisaha kooxo badan, sida ay qortay AS.
Liverpool & Chelsea oo doonaya Lamine Camara
Monaco ayaa qirtay in heshiis ku saabsan khadka dhexe ee Lamine Camara uu suurtagal noqon karo bisha Janaayo.
Liverpool iyo Chelsea ayaa kamid ah kooxaha xiiseynaya 22-jirka xulka Senegal, sida ay sheegtay Standard.
Real Madrid oo doonaysa Abdellah Ouazane
Real Madrid ayaa lagu soo waramayaa inay doonayso inay si xooggan ugu dhaqaaqdo xiddiga khadka dhexe ee Morocco Abdellah Ouazane.
17-jirkan ayaa hadda u ciyaara Ajax, waxaana Real Madrid lagu sheegay inay si dhow ula socoto horumarkiisa, sida ay qortay Fichajes.
Newcastle oo dib u soo nooleynaysa xiisaha Bo Hegland
Newcastle United ayaa qorsheyneysa inay dib u soo celiso xiisihii ay u qabtay khadka dhexe ee Djurgarden Bo Hegland.
22-jirka reer Norway ayaa xagaagii hore go’aansaday inuusan ka tagin kooxdiisa, balse Newcastle ayaa hadda mar kale xiiseynaysa, sida ay sheegtay Football Insider.
Arsenal oo la socota Luca Weinhandl
Arsenal, Brighton iyo Aston Villa ayaa dhammaantood isha ku haya khadka dhexe ee Sturm Graz Luca Weinhandl.
17-jirka reer Austria ayaa lagu qiimeeyaa £20 milyan, sida ay sheegtay Teamtalk.
Tottenham oo ka fiirsanaysa Mauro Icardi
Tottenham ayaa ka fikiraysa inay lasoo saxiixato weeraryahanka reer Argentina Mauro Icardi, kaas oo si xor ah uga tagay Galatasaray.
Si kastaba, Spurs ma awoodi doonto inay ciyaaryahanka 33-jirka ah diiwaangeliso ilaa bisha Janaayo, sida ay sheegtay Express.
Manchester City & Liverpool oo doonaya Felix Nmecha
Manchester City iyo Liverpool ayaa xiiseynaya khadka dhexe ee Borussia Dortmund Felix Nmecha.
25-jirka reer Germany ayaa lagu qiimeynayaa €80–90 milyan, iyadoo Dortmund la filayo inay dalab weyn ka sugto koox kasta oo dooneysa saxiixiisa.
Chelsea oo ku biirtay tartanka Adama Jeng
Chelsea ayaa kamid noqotay kooxaha Yurub ee doonaya xiddiga da’da yar ee Gambia Adama Jeng.
15-jirkan ayaa ka tirsan kooxda Tromso IL ee Norway, waxaana Chelsea ay kamid tahay kooxaha si dhow ula socda xaaladdiisa, sida ay sheegtay Football Insider.
Be the first to comment