Kooxda Manchester United, oo uu hoggaaminayo tababare Michael Carrick, ayaa galabnimadii Sabtidii ciyaar saaxiibtinimo la ciyaartay Atlético Madrid, taas oo qayb ka ahayd diyaar-garowga xilli ciyaareedka cusub.
Kulankan oo ka dhacay garoonka Friends Arena ayaa kusoo dhammaaday Manchester United 2-1 Atlético Madrid, iyadoo kooxda reer England ay sameysay soo laabasho cajiib ah.
Atlético Madrid ayaa hoggaanka ciyaarta qabatay daqiiqaddii 5-aad, kaddib markii Arnau Ortiz uu dhaliyay goolka furitaanka.
Kooxda uu hoggaamiyo Diego Simeone ayaa hoggaanka sii haysatay ilaa dhammaadka qeybtii hore ee ciyaarta.
Qeybtii labaad ayay Manchester United ciyaarta dib ugu soo laabatay, waxaana daqiiqaddii 53-aad loo dhigay rikooro (penalty), kaas oo Bryan Mbeumo si guul leh ugu beddelay gool.
Daqiiqaddii 74-aad, Mbeumo ayaa mar kale shabaqa Atlético Madrid gaaray, isagoo dhaliyay goolkiisii labaad ee ciyaarta iyo goolkii guusha ee Manchester United.
Guushan ayaa siisay Manchester United kalsooni weyn ka hor bilaabashada xilli ciyaareedka cusub.
Ciyaaraha soo socda:
Manchester United waxay Sabtida soo socota ciyaar saaxiibtinimo la yeelan doontaa Paris Saint-Germain (PSG).
Atlético Madrid waxay Axadda 9-ka Agoosto wajihi doontaa Manchester City kulan kale oo saaxiibtinimo ah.
Be the first to comment