Wararkii ugu dambeeyay ee suuqa kala iibsiga ciyaartoyda – Kooxda.com
- Brentford ayaa heshiis ku dhow inay kula soo wareegto Sangare oo ka tirsan Lens, iyadoo qiimaha lagu sheegay €41 milyan.
- Manchester City ayaa heshiis shaqsi ah la gaartay goolhaye Geronimo Rulli, waxaana wada-hadallada kala dhexeeya Marseille la filayaa in la soo gabagabeeyo toddobaadka soo socda.
- Matthias Jaissle ayaa si rasmi ah ugu dhow inuu noqdo tababaraha cusub ee Newcastle United, isagoo saxiixaya heshiis 4 sano ah.
- Newcastle ayaa bixin doonta €11 milyan oo magdhow ah si ay Jaissle uga soo qaadato kooxda Al Ahli.
- Wararka la xiriiray Antonio Conte iyo Arne Slot ee Al Ahli ayaan weli ahayn kuwo rasmi ah. Arne Slot ayaa la sheegay inuu doorbidayo inuu sii joogo kubadda cagta Yurub halkii uu u wareegi lahaa Sacuudiga.
Real Madrid oo si degdeg ah u afduubatay saxiix cusub
- Real Madrid ayaa la sheegay inay afduubatay heshiiska weeraryahanka reer Spain Carlos Espí, kaas oo ay doonayeen laba kooxood oo Premier League ah:
- Hull City
- Brighton
- Kooxda Madrid ayaa dhaqso u dhaqaaqday kadib markii ay iibisay Gonzalo García oo ku biiray Fulham.
- Gonzalo García ayaa ugu wareegay Fulham heshiis lagu sheegay:
- €40 milyan
- 30% saamiga iibka dambe (sell-on clause)
- Xuquuqda la mid noqoshada dalab kasta (matching rights)
- Gunnooyin dheeraad ah.
- Tababare José Mourinho ayaa la sheegay inuu codsaday weeraryahan dheer oo No.9 ah, taasoo keentay in Real Madrid ay si degdeg ah ula saxiixato Carlos Espí.
- Heshiiska Carlos Espí ayaa lagu soo gabagabeeyay saacado gudahood, iyadoo Real Madrid ay bixisay lacagta burburinta qandaraaskiisa (release clause).
Yande oo ku sii jeeda Santiago Bernabéu
- Wariyuhu wuxuu sheegay in heshiiska Yande uu af ahaan si buuxda u dhammaaday.
- Waxaa haray oo keliya:
- Baaritaanka caafimaadka
- Saxiixa qandaraaska
- Soo bandhigista rasmiga ah
- Sida uu sheegay, Yande wuxuu noqon doonaa saxiixa xiga ee Real Madrid maalmaha soo socda.
Rodri iyo Real Madrid
- Wadahadallada u dhexeeya Real Madrid iyo Manchester City ee ku saabsan Rodri ayaa weli socda.
- Manchester City ayaan weli aqbalin dalabka lagu sheegay €50 milyan, maadaama ay rajeynayaan in kooxo kale ay tartanka kusoo biiraan.
- Si kastaba ha ahaatee, go’aanka ugu dambeeya waxaa door weyn ku yeelan doona Rodri laftiisa.
Fulham oo sii wada qaadashada ciyaartoyda Real Madrid
- Marka laga reebo Gonzalo García, César Palacios ayaa sidoo kale ku dhow inuu ku biiro Fulham.
- Heshiiska César waxaa lagu sheegay:
- €10 milyan
- 30% saamiga iibka dambe
- Xuquuqda matching rights.
Liverpool iyo Bradley Barcola
- Liverpool ayaa sii wada xiriirka ay la leedahay Bradley Barcola iyo wakiilladiisa.
- Barcola ayaa lagu sheegay inuu aad u xiiseynayo ku biirista Liverpool.
- Caqabadda ugu weyn ayaa ah qiimaha ay Paris Saint-Germain (PSG) dalbaneyso, iyadoo PSG aysan dooneyn inay si fudud u fasaxdo ciyaaryahanka maadaama ay hore u lumiyeen weeraryahanno dhowr ah.
- Liverpool ayaa la filayaa inay gudbiso dalab rasmi ah marka labada kooxood ay ka heshiiyaan qiimaha kala iibsiga.
Be the first to comment