Fabrizio Romano ayaa sidoo kale shaaciyay in Real Madrid ay si rasmi ah ula xiriirtay Manchester City si ay uga wada hadlaan saxiixa khadka dhexe ee reer Spain Rodri.
Sida uu sheegay Romano, Madaxweynaha Real Madrid Florentino Pérez ayaa ugu dambeyn oggolaaday in maamulka kooxda ay bilaabaan wada-hadallo rasmi ah, kadib bilo ay albaabadu xirnaayeen.
Wadahadallada hadda socda waa kuwo afka ah, balse Real Madrid ayaa muujisay inay diyaar u tahay inay bixiso in ka badan €50 milyan, iyadoo la rumeysan yahay in dalabku gaari karo ku dhowaad €60 milyan.
Manchester City weli jawaab rasmi ah kama aysan bixin, maadaama ay rabto inay qiimeyso xaaladda isla markaana ay sugayso haddii kooxo kale ay soo galaan tartanka.
Dhanka ciyaaryahanka, Romano wuxuu sheegay in Rodri uu mudnaanta koowaad siinayo ku biirista Real Madrid, islamarkaana uu aad ugu faraxsan yahay fursadda uu ugu ciyaari karo Santiago Bernabéu.
Xigashada: Fabrizio Romano.
Fulham oo dooneysa laba ciyaaryahan oo Real Madrid ah
Kooxda Fulham ayaa xiiseyneysa weeraryahanka da’da yar ee Gonzalo García, waxaana ay durba la socodsiisay Real Madrid rabitaankeeda.
Si kastaba ha ahaatee, go’aanka ugu dambeeya wuxuu ku xirnaan doonaa tababare José Mourinho, kaas oo go’aamin doona in ciyaaryahanka la fasaxo iyo in kale.
Waxaa sidoo kale jira xiiso ku aaddan khadka dhexe ee da’da yar César Palacios, kaas oo laga yaabo inuu u wareego Premier League haddii Real Madrid ay soo saxiixato Rodri.
Xigashada: Fabrizio Romano.
Wararka Nico Jackson iyo Aston Villa oo la beeniyay
Romano ayaa beeniyay wararka sheegaya in Nico Jackson amaah ugu wareegayo Aston Villa.
Wuxuu sheegay in shuruucda Premier League aysan oggolaanayn in hal koox laba ciyaaryahan amaah uga qaadato koox kale hal xilli ciyaareed, halka Villa ay horay amaah ugu qaadatay Alejandro Garnacho heshiis waajib ku ah iibsi.
Sidaas darteed, haddii Aston Villa ay rabto Nico Jackson, waxay ku qasbanaan doontaa inay si joogto ah u iibsato, maadaama heshiis amaah ah uusan suurtagal ahayn.
Xigashada: Fabrizio Romano.
Be the first to comment