Cristiano Ronaldo iyo Georgina Rodríguez ayaa lagu wadaa inay is guursadaan toddobaadkan, iyadoo arooskooda la filayo inuu noqdo mid ka mid ah aroosyada ugu waaweyn uguna qaalisan sanadkan 2026.
Lamaanahan ayaa xiriirkooda si rasmi ah u bilaabay 2016, kadib markii ay ku kulmeen dukaan Gucci ah oo Georgina xilligaas ka shaqaynaysay.
Georgina, oo hadda 32 jir ah, ayaa hore u sheegtay in markii ugu horreysay ee ay Ronaldo la kulantay ay ahayd “jacayl markii ugu horreysay”. Ronaldo oo 41 jir ahna wuxuu hore u sheegay inuu boqolkiiba 1000 hubay inuu maalin uun guursan doono Georgina.
💍 Ronaldo oo Georgina u bandhigay faraanti £3 milyan ah
Ronaldo ayaa Georgina u bandhigay guur xagaagii hore, iyadoo Georgina ay baraha bulshada ku soo bandhigtay faraanti dheeman ah oo lagu qiyaasay £3 milyan.
Hadda waxaa la filayaa in labada xiddig ay arooskooda ku qabtaan Madeira, oo ah jasiiraddii uu Ronaldo ku dhashay kuna soo barbaaray.
⛪ Arooska oo ka dhacaya Funchal
Wararka deegaanka ayaa sheegaya in Funchal Cathedral loo diyaariyay xafladda.
Kaniisadda ayaa ku taalla bartamaha taariikhiga ah ee Funchal, waxayna qaadi kartaa ku dhowaad 800 qof.
Kadib xafladda, Ronaldo iyo Georgina ayaa la filayaa inay u gudbaan goobta xafladda arooska, taasoo qiyaastii 5 daqiiqo gaari u jirta cathedral-ka.
🏨 Savoy Palace: Hoteelka raaxada ee arooska
Sida laga soo xigtay warbixinnada, Ronaldo iyo qoyskiisa ayaa la rumeysan yahay inay ballansadeen Savoy Palace, oo ah hotel shan-xiddigle ah oo ku yaalla Madeira.
Hoteelkan waxaa ku yaalla waxyaabo aad u badan oo raaxo ah, waxaana ka mid ah:
🏊 6 barkadood oo dabaasha ah
🛎️ Adeeg butler ah 24 saac maalintii
💆 Spa heer sare ah
🌊 Muuqaallo panoramic ah oo badda ah
🍽️ Makhaayado badan oo shan-xiddigle ah
🌅 Rooftop infinity pool gaar ah
Qoyska Ronaldo ayaa horey loogu arkay iyagoo degaya Savoy Palace.
Waxaa la rumeysan yahay inay degayaan qaybta gaarka ah ee loo yaqaan The Reserve, oo ah hotel ku dhex yaalla hotelka oo ku yaalla dabaqyada sare.
Qiimaha qolalka qaybtaas wuxuu ka bilaabmaa qiyaastii:
💰 £1,100 HAL HABEEN
🏊 Lix barkadood iyo adeeg 24/7 ah
Savoy Palace wuxuu leeyahay lix barkadood, waxaana qoyska Ronaldo heli karaan fursad ay ku nastaan barkadda infinity-ga ee saqafka sare iyadoo laga daawanayo badda iyo jasiiradda Madeira.
Hoteelka wuxuu sidoo kale leeyahay adeeg butler 24 saac ah, taasoo ka dhigaysa goob ku habboon xaflad heerka Ronaldo ah.
Haddii aroosku isu beddelo xaflad maalmo badan socota, martidu waxay heli karaan meel ay qorraxda ku raaxaystaan, muusig toos ahna ku dhageystaan.
✨ Gudaha hotelka oo ah heer kale
Savoy Palace wuxuu leeyahay hool weyn oo lagu qaban karo xaflado ay ka qeyb galaan ilaa 1,000 qof.
Marka martidu soo gasho hotelka waxaa lagu soo dhaweynayaa albaab weyn oo ay ku rakiban tahay chandelier dhererkiisu yahay 33 feet, oo ay hareereeyeen ubaxyo cusub.
Waxaa sidoo kale ku yaalla bar cagaaran oo pianist uu ku ciyaaro galabtii, iyo jaranjaro weyn oo qalloocan oo martida u horseedda barkadda weyn ee hotelka.
Barkadda ugu weyn waxay dhererkeedu gaarayaa 18 mitir.
Be the first to comment