Xiddiga Manchester City, Bernardo Silva, ayaa ka digay in kooxdiisu ay sii wadi doonto dagaalka horyaalka Premier League ilaa daqiiqadda ugu dambeysa kadib guushii ay ka gaareen FA Cup-ka.
Silva ayaa sheegay in City aysan quusan doonin tartanka horyaalka, isla markaana ay cadaadis saari doonaan Arsenal ilaa dhammaadka xilli ciyaareedka.
Kooxda Pep Guardiola ayaa wali rajaynaysa inay Arsenal dhibco lumiso labada kulan ee harsan si ay fursad ugu helaan inay markale ku guuleystaan Premier League.
Manchester City ayaa markale ku guuleysatay koobka Wembley galabnimadii Sabtida.
Goolkii guusha waxaa dhaliyay Antoine Semenyo, kaas oo si cajiib ah kubadda ugu dhammeeyay ciribta dambe waxaana goolkaas noqday midka guusha lagu xaqiijiyay.
Wax walba waxay xitaa uga sii fiicnaan karaan Pep Guardiola iyo kooxdiisa ka hor dhammaadka xilli ciyaareedka.
Manchester City ayaa wali kula jirta tartan adag Arsenal oo ku saabsan hanashada horyaalka Premier League, inkastoo ay u baahan yihiin in Gunners-ku dhibco lumiyaan labada kulan ee ugu dambeeya.
Kabtanka baxaya ee City, Bernardo Silva, ayaa uga digay kooxda Waqooyiga London in Sky Blues aysan wali diyaar u ahayn inay ka tanaasusho rajada ay ka qabto inay ku guuleysato laba koob oo gudaha ah xilli ciyaareedkan.
Isagoo la hadlayay BBC Sport, Silva wuxuu yiri:“Waa dareen gaar ah. Aad ayaan u faraxsanahay. Wax walba oo ku saabsan safarkeyga halkan Manchester City waxay ahaayeen kuwo cajiib ah”
“Waxaan rajaynayaa inaan wali haysano riyo yar oo aan ugu dagaallami karno Premier League.”
Isagoo sii hadlayay kana hadlayay TNT Sports, khadka dhexe ee reer Portugal Bernardo Silva ayaa yiri:“Wax badan ayay noo noqon lahayd. Gacanteenna kuma jirto, laakiin shaqadeennu Arbacada waa inaan shaqadeenna qabsanno oo aan cadaadis saarno si ay [Arsenal] ugu qasbanaadaan inay badiyaan kulanka si ay horyaalka u qaadaan”
“Laakiin waxaan ku jirnaa xaalad adag.”
Be the first to comment