Martinelli Oo Fariin U Diray Estevao Ka Hor Kulanka Arsenal Iyo Chesea Ee Maanta.

Gabriel Martinelli lama yaabin in xiddiga ay isku dalka yihiin ee u ciyaara kooxda Chelsea Estevao uu si deg-deg ah ula qabsaday Chelsea.

Estevao waxa uu Chelsea kaga soo biiray kooxda reer Brazil ee Palmeiras xagaagan, heshiiskaas oo lagu qiimeeyay lacag bilow ah oo ah £29 milyan.

Wiilka 18-jirka ah waxa uu noqday ciyaaryahan si degdeg ah ula qabsaday kooxda waxaana goolkii uu ka dhaliyay Barcelona Salaasadii uu noqday goolkiisii shanaad ee xilli-ciyaareedkan.

Martinelli, oo Axadda wajihi doona Estevao marka Arsenal ay u safreyso Chelsea, lama uusan yaabin heerka qaab ciyaareedka ee xiddigu soo bandhigayo.

Garabka Arsenal ayaa si fiican u yaqaanna xiddiga Chelsea maadama ay u wada ciyaaraan xulka qaranka Brazil lama uusan yaabin in uu xiddigu si fiican u ciyaarayo.

Martinelli wuxuu yiri: “Waa wiil wanaagsan, qoyskiisuna sidoo kale waa dad fiican”.

“Wiilku aad buu u fiican yahay, dhammaan kooxda qaranka ayaana jecel. Wuu istaahila wax kasta oo uu qabto — aniguna waxaan rajeynayaa kaliya inuusan Axadda maalintiisa wanaagsan helin!”