Cole Palmer ayaa diyaar u yahay inuu kusoo bilowdo kulanka Chelsea ay la ciyaarayso Arsenal maanta kulan ka tirsan premier League taas oo war farxad u ah Blues.
Palmer ma uusan ciyaarin Chelsea tan iyo Sebtember 20 sababo la xiriira dhibaato joogto ah oo ku ahayd gumaarka iyo jab suul oo kedis ah oo dhacay toddobaadkii hore.
Si kasta ha ahaatee xiddiga ayaa tababar buuxa qaadanayay todobaadkan waxana uu haatan diyaar u yahay in uu ku bilowdo kulanka maanta.
Enzo Maresca waa inuu go’aansadaa inuu Cole Palmer kusoo bilaabo ciyaarta marka ay la ciyaarayaan Gunners-ka iyo in kale.
Pedro Neto ayaa hogaaminayay weerarka kooxda Chelsea iyada oo xiddigaha Joao Pedro iyo Liam Delap ku bilowdeen kaydka Laakiin waxaa suuragal ah in Maresca uu midkood ama labadaba dib ugu soo celiyo shaxda kusoo bilaabanaysa kulanka ay la ciyaarayaan Arsenal.
Maresca ayaa sidoo kale kalsoonida siin kara xiddigaha Trevoh Chalobah iyo Wesley Fofana si ay uga ciyaaraan aafaca dhexe.
Hadaba halkan kaga bogo shaxda ay kaga hor tagi karto Arsenal.
Sanchez; James, Chalobah, Fofana, Cucurella; Fernandez, Caicedo; Neto, Palmer, Garnacho; Joao Pedro
Be the first to comment