Neymar Oo Talo Siiyay Vinicius Junior” Haku Dhicin Qaladkii Aan Sameeyay Waqtigii Barcelona”

RIO DE JANEIRO, BRAZIL - MARCH 24: Neymar Jr. of Brazil celebrates after scoring the first goal of his team with teammate Vinícius Júnior of Brazil during a match between Brazil and Chile as part of FIFA World Cup Qatar 2022 Qualifier on March 24, 2022 in Rio de Janeiro, Brazil. (Photo by Buda Mendes/Getty Images)

Xidigii hore ee kooxaha Barcelona iyo PSG ee Neymar ayaa saaxiibkiis Vinicius Junior kala taliyay mustaqbalkiisa kooxda Real Madrid, maadaama uu qandaraaska labada dhinac ku eg yahay June 2027.

Wargeyska Isbaanishka ee OK Diario ayaa qoray in Neymar uu kula taliyay Vinicius inuu saxiixo qandaraas cusub oo uu la galo maamulka Los Blancos, ka dib markii ay faafeen in uu jiro warar ku saabsan xiriir xun oo ciyaaryahanka iyo tababaraha kooxda ah Xabi Alonso, iyo jiritaanka khilaaf dhaqaale oo ku saabsan mushaarka sanadlaha ah ee qandaraaska cusub.

Neymar ayaa la hadlay Vinicius wuxuuna u sheegay inuusan samayn qaladkii uu sameeyay markii uu ka tagay Barcelona oo uu aaday kooxda reer France, wuxuuna u xaqiijiyay in sii joogida Real Madrid, xitaa haddii ay la micno tahay inuu ku sii jiro hooska Kylian Mbappe, ay siin doonto fursado ku filan oo uu ugu guuleysto Ballon d’Or.

Neymar ayaa ku adkeeyay saaxibkiisa in sii joogitaankiisa Real ay siin doonyto damaanad ah in uu taariikh ka sameeyo kubadda cagta uuna Real Ka helayo wax uusan ka heli doonin koox kale .

Arrintan ayaa ku soo beegantay xilli uu hakad ku yimid wada xaajoodyadii lagu cusboonaysiiyay Vinicius ee maamulka Perez sababo la xidhiidha dalabka xiddiga reer Brazil ee ku saabsan gunnada cusboonaysiinta iyo rabitaankiisa ah in uu noqdo xiddiga ugu mushaharka badan mushaharka kooxda, taas oo ah wax aan Real Madrid doonayn in ay ogolaato iyaga oo ka cabsi qaba cawaaqibka ka dhalan kara go’aankan.

Be the first to comment

Dhiibo Fikirkaaga