Waxaa jiray hadal heyn badan oo warbaahineed oo ku saabsan mustaqbalka xiddiga Liverpool Ibrahima Konaté, kaasoo qandaraaskiisu dhacayo xagaaga soo aadan.
Daafaca Liverpool oo 26 jir ah ayaa lala xiriirinayay inuu u dhaqaaqayo Real Madrid, isagoo raacay wadadii saaxiibkiisii hore ee Trent Alexander-Arnold, kaasoo ku biiray kooxda reer Spain xagaagii hore.
Sida laga soo xigtay saxafiga David Ornstein oo ka tirsan wargeyska British-ka ah ee “The Athletic,” Real Madrid ayaa ku fikiraysay saxiixa Konate balse waxay ku wargalisay Liverpool inaysan xiiso u qabin saxiixa xiddiga heerka caalami ee dalka Faransiiska.
Suxufiga wargeyska The Athletic ayaa intaa ku daray in Ibrahima Konaté xaaladiisa qandaraasku ay noqon karto mid dhinac walba ah.
Ibrahima Konaté ayaa fariin u diray jamaahiirta Liverpool kadib guuldaradii 4-1 ahayd ee ay kooxdiisu ka soo gaadhay PSV Eindhoven kulan ka tirsanaa Champions Leaque-ga, wuxuuna u soo qoray: “Waa in aan aqbalnaa xaaladaha cakiran mararka qaar”
Be the first to comment