Warbaahinta Spain ayaa shaaca ka qaaday arimo cusub oo ku saabsan mustaqbalka Marcus Rashford iyo hadii uu baaqi kusii ahaan doono kooxda Barcelona kadib markii saamiyadiisa Manchester United ay hoos u dhacday
Rashford ayaa dhaliyay lix gool waxaana uu caawiyay sagaal gool 17 kulan oo muhiim ah tartamada oo dhan ilaa haatan xilli ciyaareedkan.
Sida laga soo xigtay wargeyska “Mundo Deportivo” ee dalka Spain, weeraryahanka Barcelona Marcus Rashford ayaa bartilmaameed u noqday kooxda Paris Saint-Germain ka dib markii uu soo bandhigay qaab ciyaareed xoogan xilli ciyaareedkan.
Barcelona ayaa fursad u haysata in ay Marcus Rashford ku iibsato 30 milyan oo euro maadaama amaahdiisa ku egtahay 30ka June, kooxda Paris ayaa muujisay xiisaha ay u qabto ciyaaryahanka, waxaana laga yaabaa inay diyaar u tahay inay bixiso lacag ka badan.
Paris Saint-Germain ayaa isku diyaarinaysa in ay bixiso 50 milyan oo euro si ay ula soo saxiixato xiddiga Man United ee haatan amaah ku jooga hadii uuna sii joogin Barcelona. Blaugrana ayaa muujisay sida ay ugu qanacsan tahay qaab ciyaareedka xiddiga heerka caalami ee dalka England, waxaana ay dareemayaan inuu horumar sameyn karo, gaar ahaan dhanka daafaca.
laakiin ma doonayaan inay ku degdegaan inay u dhaq-dhaqaaqaan ikhtiyaarka ay ku iibsan karaan dhamaadka xilli ciyaareedkan. Arrintu waxay ku xidhnaan doontaa horumarka ciyaartoyga iyo xaaladda dhaqaale ee kooxda.
Be the first to comment