Kabtankii hore ee Liverpool, Jamie Carragher, ayaa sheegay in tababaraha kooxda, Arne Slot, uu haysto hal usbuuc oo uu shaqadiisa ku badbaadiyo Premier League-ga.
Reds-ka ayaa 4-1 lagu xasuuqay habeenkii Arbacada kooxdii PSV tartanka Champions League.
Natiijadaasi waxay xaqiijisay in kooxda uu soo wajahday xaaladdeedii ugu liidatay 71 sano, maadaama ay ahayd guuldarrooyinkoodii sagaalaad ee 12 kulan gudahood.
Todobaadkan waxa ay Liverpool la ciyaari doontaa kooxda West Ham kulan ka tirsan premier League.
Kadib marka ay la ciyaaraan Hammers, Liverpool waxay wajahaysaa kooxaha la dalacsiiyey ee Leeds iyo Sunderland.
Carragher, oo ku qorayay qormadiisa The Telegraph, ayaa ka digay in “wax kasta oo ka yar toddobo dhibcood ay xaalad horeyba u aheyd mid aan la aqbali karin ay ka dhigi doonto mid aan la sii wadi karin.”
Wuxuu ku daray: “Arne Slot wuxuu haystaa hal usbuuc oo uu shaqadiisa ku badbaadiyo.
“Wax kasta oo taageero iyo ixtiraam ah oo uu tababaruhu haysto ha ahaadee, Liverpool Football Club ma sii wadi karto hoos u dhaca heerka lagu arkayay saddexdii bilood ee la soo dhaafay.”
Be the first to comment