David Raya ayaa magacaabay ciyaaryahanka ay Arsenal lasoo saxeexatay xagaagii kaasoo uu sheegay inuu in ay uGu saamaynta badan yihiin tan ilaa markii ay yimaadeen kooxda.
Arsenal ayaa taageertay Mikel Arteta iyadoo sameysay suuqa kala iibsiga oo wax soo saar leh oo cajiib ah, iyagoo ku bixiyay in ka badan £250 milyan oo ay kula soo saxiixatay xiddigo cusub.
Viktor Gyokeres, Martin Zubimendi, Eberechi Eze, Noni Madueke, Cristhian Mosquera, Christian Norgaard, Kepa Arrizabalaga iyo Piero Hincapie ayaa dhammaantood yimid garoonka Emirates Stadium.
Ciyaartoy badan oo ka mid ah kuwa ay Gunners lasoo wareegtay xagaagan ayaa si degdeg ah ula qabsaday kooxda, iyadoo kooxda Arteta aysan laga badin 14-kii kulan ee ugu dambeeyay tartamada oo dhan isla markaana afar dhibcood ka sarreysa Manchester City oo ku jirta kaalinta labaad ee Premier League.
Laakiin Raya, oo hadda ah tiir adag oo ka mid ah kooxda Arsenal, kaddib markii uu kaga soo biiray Brentford sanadkii 2023, ayaa sheegay in uu yahay saaxiibkiisa ay isku wadanka yihiin Martin Zubimendi, kaasoo saameynta ugu weyn ku yeeshay kooxda tan iyo markii uu yimid garoonka Emirates.
Markii la weydiiyay ciyaaryahanka cusub ee saamaynta ugu badan ku yeeshay ayuu Raya u sheegay“Waxaan u maleynayaa Martin Zubimendi”
“Waa ciyaaryahan aad u caqli badan, wuxuuna si aad ah ugu qabsaday horyaalka – halka ciyaartoy badan ay waqti dheer qaataan si ay ula qabsadaan, gaar ahaan booskiisa”
“Isagu si degdeg ah ayuu ula qabsaday, waxaadna si cad u arkaysaa waxa uu u qabto kooxda.”
Be the first to comment