Maamulka Liverpool ayaa xiiseynaya inay helaan adeega daafaca da’da yar ee reer England Marc Guehi, kaasoo ah ciyaaryahan ka tirsan Crystal Palace, waxaana muuqata in kooxda ay xafiiltamaan ee Manchester City ay ka caawin karto saxiixiisa.
Magaca Guehi ayaa si weyn uga dhex muuqda liiska saxiixyada suurtagalka ah ee Liverpool si ay u xoojiyaan booska daafaca dhexe, gaar ahaan marka la eego hubanti la’aanta ku hareereysan mustaqbalka daafaca Ibrahima Konate.
U dhaqaaqida suurtagalka ah ee Akanji Crystal Palace ayaa Liverpool ka caawin karta saxiixa Guehi.
Suuqa kala iibsiga ciyaartoyda ee haatan socda ayaa noqon doona fursadii ugu dambaysay ee Crystal Palace ay kaga faa’iidaysan karto iibka Guehi maadaama uu hadda galayo sanadkii ugu dambeeyay ee heshiiskiisa.
Hadii uu qandaraaskiisu dhaco, waxa lagu fasixi doonaa beeca xorta ah xagaaga dambe.
Maamulaha Crystal Palace Oliver Glasner ayaa xaqiijiyay inaysan ogolaan doonin in Guehi uu baxo ka hor kulanka lugta labaad ee isreeb-reebka Europa Conference League oo ay la ciyaarayaan Fredrikstad.
Be the first to comment