Tababaraha kooxda chelsea ee Enzo Maresca ayaa hadlay kadib guushii ay ka gaareen kooxda Brentford kulan ka tirsanaa horyaalka premier league isaga oo ka hadlay tartanka loogu jiro horyaalka.
Chelsea ayaa labo gool iyo hal kaga badisay Brentford iyada oo guushaas ka caawisay in ay kaliya 2 dhibcood u jirto hogaamiyayaasha Liverpool.
Maresca ayaa ku yiri hadaladii uu siiyay BBC: “Waxaan maamulnay ciyaarta marka laga reebo 10-kii daqiiqo ee ugu dambeeyay, halkaas oo nalaga dhaliyay goolal.”
Waxa uu hadalkiisa raaciyay: “Waxaan abuurnay fursado, waxaan dhalin karay goolal badan, waxaana u qalanay inaan badino kulanka”.
Isagoo ka hadlayay tartanka horyaalka, wuxuu ku soo gabagabeeyay: “Ma ahan tirada kulan ee aan badino, laakiin waa wax ku saabsan xaqiiqda”.
“Waxa jirta waxyaabo ay tahay in aan iska saxno sida casaankii loo taagay Marc Cucurella Sidaas darteed waxa aan u sheegay in aanan diyaar ahayn”.
Be the first to comment