Xiddiga reer Spain ee Pedri oo u ciyaara kooxda Barcelona ayaa ka hadlay sababtii ay kooxdiisu guuldarada 1/0 ah uga soo gaadhay kooxda Leganes kulan ka tirsanaa horyaalka La Liga.
Ciyaartan oo lagu marti galiyay garoonka Luis Companis Stadium ayaa waxaa daqiiqadii 4-aad ee ciyaarta u dhaliyay hal gool oo uu dhaliyay xiddiga kooxda martida ah ee Sergio Gonzalez kadib markii uu si qurux badan madax ugu dhaliyay.
Pedri ayaa yidhi“Waxay ahayd ciyaar adag, run ahaantiina waa wax aan macquul aheyn in lagu farxo, waxaan u maleynayaa in bilowgii aan lagu guuleysan in laga dhaliyo goolkaan”.
Isaga oo hadalkiisa sii wata ayuu yidhi: “Kadib markii goolka nalaga dhaliyay ciyaarta ayaan la wareegnay waxana aan isku daynay in aan fursado samayno Laakiin waxa naga maqnaa dhamaystirka si aan shabaqa u soo taabano”.
“Waa inaan si fiican u bilownaa kulamada marka koox sida maanta gool naga dhaliyo waxa ay galayaan difaac”.
Isaga oo hadalkiisa sii wata ayuu yidhi: “Waxa aanu helnay fursado intii lagu jiray iska horimaadka, laakiin waxa naga maqnaa dhamaystirka waa in aan ka faa’iidaysano fursadaha goolka hortiisa”.
Isaga oo hadalkiisa sii wata ayuu yidhi: “Waxa aanu helnay fursado intii lagu jiray ciyaarta laakiin waxa naga maqnaa dhamaystirka waa in aan ka faa’iidaysano fursadaha marka aan helno”.
Be the first to comment