Xiddiga reer Masar ee Mohamed Salah ayaa mar kale rikoor cajiib ah la gaaray kooxdiisa Liverpool, inkasta oo uuna kooxdiisa guul ku hogaamin kulankii Fulham Premier League.
Ciyaartii xiisaha lahayd ee labada kooxood ku dhexmartay garoonka Anfield Road ayaa ku soo idlaatay barbaro 2-2 ah, isku dayo ay sameeyeen Salah iyo asxaabtiisa ayaanay ku guuleysan in ay gaaraan goolka guusha inkastoo isku dayo isdaba joog ah ay sameeyeen.
Salah ayaa saamayntiisa muujiyay daqiiqadii 47-aad ee ciyaarta waxana uu caawiye ka noqday goolkii Gakpo ee Liverpool.
Mohamed Salah ayaa goolkaas uu caawiyay ku gaadhay goolkiisii 100-aad ee xirfadiisa ciyaareed Liverpool tartamada oo dhan.
Salah ayaa kor u qaaday caawintiisa 13-aad ee tartamada oo dhan xilli ciyaareedkan isaga oo sii wada wacdarihii uu dhigayay xilli ciyaareedka.
Be the first to comment