Cesc Fabregas ayaa aaminsan in Leandro Trossard uu ku soo bilaaban doono khadka dhexe kulanka Arsenal ee Tottenham maadama uu leeyahay ‘awood iyo tayo’ uu ku buuxin karo hadii Martin Odegaard uu maqnaado.
Arteta ayaa war xun helay ka hor kulanka Tottenham iyada oo ay kooxda ka maqnaan doonaan xiddigaha Declan Rice iyo Odegaard oo ku biiraya xiddigo dhaawac uga maqnaan doona kooxda oo kala ah Mikel Merino, Gabriel Jesus, Riccardo Calafiori & Takehiro Tomiyasu.
Kabtanka kooxda Odegaard ayaa ku dhaawacmay fasaxii xulalka waxana uu ka maqnaan doonaa kulanka adag ee North London Derby.
Fabregas ayaa aaminsan in uu Trossard yahay dookha ugu fiican ee ay Arsenal ku buuxin karto booska Odegaard.
“Sida iska cad maqnaanshaha Rice iyo Odegaard waa dhib”ayuu Fabregas yidhi.
“Aniga ahaan waxa aan jecelahay in Trossard uu uga ciyaaro khadka dhexe, waxa aan qabaa in uu leeyahay tayada uu uga ciyaari karo booskaas”ayuu sii raaciyay.
Be the first to comment