Cristiano Ronaldo Oo Shaaciyay Kooxda U Doonayo In Uu Ciyaaraha Kaga Fadhiisto.
Cristiano Ronaldo ayaa sheegay inuu qorsheynayo inuu ka fariisto kubadda cagta labo ama seddex sano gudahood, laakiin ma uusan gaarin go’aan kama dambeys ah oo ku saabsan goorta uu soo afjari doono xirfadiisa quruxda badan.
39 jirkaan ayaa 40 jirsaday bisha February laakiin wali waxa uu wacdaro ka dhigayaa kooxda Al-Nassr ee ka ciyaarta horyaalka sucuudiga.
Ronaldo ayaa bisha soo socota matali doona Portugal tartanka Nations League mana ka quusan ka ciyaarista koobka aduunka 2026.
Si kastaba ha ahaatee, xiddigii hore ee Manchester United iyo Real Madrid waa uu ogyahay inuu ku jiro sanadihii ugu dambeeyay ee xirfadiisa.
Ronaldo ayaa lala xiriirinayaa inuu dib ugu laabanayo Yurub gaar ahaan kooxdiisii hore ee Sporting Lisbon.
Laakiin Xiddiga reer Portugal ayaa sheegay in ay u badantahay in uu ciyaaraha kaga fadhiisto kooxdiisa haatan ee Al-Nassr.
“Ma garanayo in aan dhawaan ka fariisan doono ciyaaraha, labo ama seddex sano gudahood, laakiin malaha waxaan kaga fariisan doonaa halkaan Al Nassr”ayuu yidhi.
“Aad ayaan ugu faraxsanahay kooxdaan, waxaan ku dareemayaa wanaag dalkan sidoo kale”.
Be the first to comment