Tababaraha Kooxda Liverpool Jurgen Klopp ayaa ka hadlay bar-barihii ay kooxdiisu la gashay Man United kulan ka tirsanaa premier League.
Man United ayaa bar-baro 2/2 ah la gashay kooxda Liverpool kulan ka dhacay Old Trafford kana tirsan horyaalka premier League.
“Waxay ahayd inaan badino ciyaarta, taasi way caddahay, waxay ahayd inaan dhalino goolal kale qeybtii hore mar hore, wax darbo ah may laadin qaybtii hore, shaqo fiican ayaan qabanay waxana aan iska khasaarinay fursado”
“Szoboszlai ayaa helay fursad laakiin Onana ayaa badbaadiyay, waxa aan ahayn kuwo deg-degaya marka aan fursadaha helno”
“Anigu kuma xanaaqsani wiilasha laakiin mar dambe uma ogolaanayo in ay waxaas oo kale dhacaan”.
“Goolasha aan dhalinay ayaa hada halkan na keenay, waxa jirtay xaalado badan oo ay tahay in aan difaacan”.
“Waxa aan ugu dambayn dhalinay goolka bar-baraha waanan iska iloobi doonaa natiijadan”ayuu sii raaciyay.
Be the first to comment