Liverpool ayaa barbaro niyad jab leh kula galay garoonkooda Chelsea, iyadoo tababare Arne Slot lagu ooriyay qaar ka mid ah go’aamadiisa, halka wariye caan ah Fabrizio Romano uu bixiyay war cusub oo ku saabsan mustaqbalkiisa.
Xilli ciyaareedkan wuxuu noqday mid niyad jab leh oo Reds-ka ku adag, inkastoo toddobaadyadii u dambeeyay ay muujiyeen calaamado horumar ah.
Kooxda Merseyside ayaa ka hooseysay heerkii ay gaareen xilli ciyaareedkii hore, taasoo sababtay in Slot wajahayo dhaleeceyn badan.
Mar ayaa la moodayay in Liverpool ay ku dhibtoon doonto u soo bixista Champions League, balse hadda waxay haysataa fursad wanaagsan iyadoo labo kulan oo keliya harsan yihiin.
Si kastaba ha ahaatee, su’aalo badan ayaa wali laga keenayaa mustaqbalka Slot ka hor suuqa xagaaga.
Warar la xiriira: Liverpool ayaa isha ku haysa inay la soo saxiixato Alisson Becker beddelkiisa, iyadoo lala xiriirinayo goolhaye lagu tilmaamay “kan ugu fiican adduunka”.
Inkasta oo Slot uu wali sumcad ku leeyahay kooxda kadib markii uu ku guuleystay horyaalka Premier League xilli ciyaareedkii hore, haddana taageerayaasha Liverpool way fahmi karaan niyad-jabka jira.
Reds-ku si dhab ah ugama sii hormarin wixii ay qabteen xilli ciyaareedkii hore.
Isagoo ka hadlayay kanaalkiisa YouTube-ka, Romano wuxuu bixiyay war cusub oo ku saabsan mustaqbalka Slot kadib bandhig kale oo niyad jab leh.
Wariyaha la ixtiraamo ayaa xaqiijiyay in Liverpool ay wali rabto inay sii haysato Slot, inkastoo ay jireen warar sheegaya inay xiriir la sameeyeen Xabi Alonso.
Romano ayaa yiri:“Waqtigan xaadirka ah, dareenka ka jira Liverpool waa mid si buuxda ugu jihaysan inay sii wadaan Slot. Sababta? Hadda waa bisha May, mana ahan February, March ama April. Ilaa hadda Liverpool wax xiriir toos ah lama sameyn tababare kale.
Waxaa jiray warar badan oo ka yimid Germany oo sheegayay in Liverpool ay la xiriirtay Alonso, balse waxaan idiin xaqiijin karaa in Liverpool sanadkan aysan wax xiriir toos ah la sameyn Alonso ama wakiilladiisa.”
Be the first to comment