Martin Zubimendi ayaa diiday fursad uu ugu biiri lahaa Liverpool, sida ay sheegtay warbaahinta Spain.
Reds ayaa u muuqata in ay lumisay bartilmaameedkooda khadka dhexe. Inkastoo Real Sociedad ay markii hore filaysay Zubimendi inuu aqbalo dalabka Liverpool.
25 jirkaan ayaa haatan go’aansaday inuu iska diido kooxda ka dhisan Anfield, sida laga soo xigtay Relevo.
Real Sociedad ayaa si quus ah isku dayday in ay ku qanciso xiddigeeda khadka dhexe in uu sii joogo kooxdii uu ku soo barbaaray waxana ay u muuqataa in ay guulo gaadheen.
Go’aanka Zubimendi Ayaa war fiican u ah kooxda Arsenal iyada oo Real Sociedad haatan Arsenal u ogolaan doonto in ay la wareegto xiddiga Mikel Merino.
Arsenal ayaa muddo ku raad joogtay saxiixa xiddiga Merino si ay ugu xoojiyaan khadka dhexe.
Be the first to comment