Horyaalka Premier League ayaa sharaxay sababta VAR uu u diiday goolkii dambe ee ciyaaryahanka Callum Wilson uu u dhaliyay kooxda West Ham United kulankii ay la ciyaareen Arsenal.
Arsenal ayaa u muuqatay inay ku socoto guul 1-0 ah kadib goolkii dambe ee Leandro Trossard, markii Wilson uu kubadda shabaqa geliyay daqiiqadihii ugu dambeeyay.
Inkasta oo garsooruhu markii hore goolka ansixiyay, haddana waxaa lagu wargeliyay inuu dib ugu eego muuqaalka VAR ee shaashadda garoonka ku taal.
Ugu dambeyn, goolka waa la diiday, waxaana Arsenal ay 5 dhibcood ka sarre martay Manchester City iyadoo labo kulan oo keliya ay harsan yihiin.
Qoraal kooban oo kasoo baxay xarunta ciyaaraha Premier League ee barta X ayaa lagu yiri:
“#WHUARS – 90+5’ VAR ayaa diiday: Kadib dib u eegista VAR, garsooruhu wuxuu beddelay go’aankii hore ee ahaa gool loo oggolaaday West Ham United”
Go’aanka garsooraha: ‘Kadib dib u eegis, lambarka 19-aad ee West Ham wuxuu qalad ku galay goolhayaha. Go’aanka kama dambeyska ah waa laad xor ah oo toos ah.’”
Be the first to comment