Ka soo laabashada Diogo Jota ee dhaawaca ayaa ah ‘mid qiimo leh’ Liverpool u noqon doonta marka ay Arsenal iyo Manchester City kula dagaallamaan horyaalka Premier League.
Taasi waa sida uu qabo Paul Merson oo saadaaliyay kulamada isbuucaan iyadoo tartanka horyaalka premier League.
Kaliya 7-kulan ayaa ka harsan, hal dhibic ayaa kala saaraysa saddexda kooxood ee ku loolamaya horyaalka: Arsenal ayaa hogaanka heysa, iyadoo Liverpool kaga sareysa farqiga goolasha, iyadoo City ay dhibic ka hooseyso.
Reds ayaa ku guuleysatay inay sii wadato tartanka horyaalka inkasta oo ay soo gaadheen dhaawacyo ay ka dhaawacmeen xiddigo muhiim ah.
“Diogo Jota waa dhamaystiraha ugu fiican Liverpool”ayuu Merson yidhi.
“Waxa uu ka horeeyaa Mohamed Salah, hadii uu ciyaari lahaa kulankii Man United way badin lahaayeen”ayuu sii raaciyay.
Jota ayaa dhaliyay 14 gool 28 kulan oo uu ciyaaray waxana uu kooxda ka caawiyay in ay u tartanto horyaalka marka uu taamka yahay.
Be the first to comment