Halyeeyga Man United ee Dimitar Berbatov ayaa Liverpool u sheegay in uu Thomas Tuchel ku soo baxayo kooxda hadii ay Reds ku fashilanto saxiixa Xabo Alonso.
Liverpool ayaa haatan raadinaysa tababare cusub iyada oo Jurgen Klopp uu ka tagi doono dhamaadka xilli ciyaareedkan kadib ku dhawaad toban sano oo uu ku sugnaa Anfield.
Alonso ayaa ugu cad-cad in uu noqdo tababaraha cusub ee Liverpool kadib shaqo fiican oo uu ilaa haatan ka qabtay Bayer Leverkusen kuwaas oo haatan hogaaminaya horyaalka Budesliga.
SI kasta ha ahaatee Liverpool ayaa tartan adag kala kulmay kooxda Bayern Munich kuwaas oo doonaya saxiixa tababaraha.
Berbatov ayaa aaminsan in Reds aysan u baahnayn inay raadiso meel fog haddii ay awoodi waayaan inay soo xerogeliyaan Xabi.
“Magaca Thomas Tuchel ayaa kaa caawin kara inaad hesho shaqooyin cusub. Isagu waa ku guulaysta Champions League ka dib, ” weeraryahankii hore ayaa u sheegay Betfair.
Uma malaynayo in Tuchel uu shaqo la’aan ahaan doono muddo dheer. Halkee ayuu aadi doonaa? Taasi waa su’aasha. Waxaan ogaan doonaa xilli ciyaareedka soo socda”.
“Weli waxaan qabaa in dooqa koowaad ee tababaraha Liverpool uu yahay Xabi Alonso, gaar ahaan haddii uu Bundesliga kula guuleysto Bayer Leverkusen. Taasi waxay noqon doontaa guul weyn, Haddii taasi dhacdo, Alonso waxay u badan tahay inuu qaado tillaabada xigta ee Liverpool”.
“Laakiin hadii ay waydo Alonso, Tuchel waa in uu noqdo dookha 2-aad ee buuxin kara Klopp”ayuu sii raaciyay.
Be the first to comment