Xulka Belgium ayaa guuldarro lama filaan ah kala kulmay xulka Slovakia Kulan ka tirsanaa euro 2024.
Belguim ayaan ku bilaaban tartanka sidii ay rabeen waxana ku dhibaatoodeen dhinaca weerarka iyaga oo khasaariyay fursado waali ah.
Romelu Lukaku ayaa kaligiis xulkiisa ka khasaariyay 6 fursadood oo gool laga dhalin karo intii ay ciyaartu socotay.
Xulka Slovakia ayaa dhaliyay goolka 1-aad daqiiqadii 7-aad ee ciyaarta kadib markii uu Doku sameeyay khalad.
Waxa goolka u dhaliyay xulka Slovakia xiddiga Ivan Schranz kaas oo hogaanka u dhiibay xulka qarankiisa.
Belgium ayaa qeybtii hore ee ciyaarta isku dayay inay la yimaadaan goolka barbaraha, waxaana jiray isku dayo badan, laakiin Romelu Lukaku ayaan wax fursad ah u bedelin gool, sidaas ayaana qeybtii hore lagu kala nastay.
Markii layskugu soo laabtay qaybtii danbe ee ciyaarta ayuu Lukaku ku guulaystay in uu gool udhaliyo daqiiqadii 56 aad balse goolka ayaa la diiday sabab la xidhiidha offside.
Waxa sidaas ku dhamaatay ciyaarta oo uu xulka Slovakia qarxiyay lama filaankii uu weynaa ee Euro 2024 isla markaas garaacay xulka Belguim.
Be the first to comment