Difaaca Liverpool, Ibrahima Konate, ayaa sheegay in natiijada guud ee 4-0 aysan si cadaalad ah u muujin ciyaartii ay la yeesheen Paris Saint-Germain ee wareegga siddeed dhammaadka UEFA Champions League.
Ousmane Dembele ayaa labo gool dhaliyay, taasoo PSG siisay guul 2-0 ah habeenkaas iyo 4-0 guud ahaan labada lugood.
Markii la weydiiyay haddii 4-0 ay ahayd natiijo sax ah, Konaté wuxuu yiri:
“Si daacad ah, waa haa iyo maya, sababtoo ah markii aan halkaas ku ciyaarnay waxay heleen fursado badan, balse laba gool oo kaliya ayay dhaliyeen. Laakiin waxaan ogayn in Anfield aan ka sameyn karno wax gaar ah. Maanta waxaan abuurnay fursado badan, waxaana u maleynayaa inaan garoonka ku ahayn kooxda ka fiican maanta.
“Taasi waa sababta ay u tahay wax yar oo aan cadaalad ahayn. Waxay la mid tahay xilli ciyaareedkii hore markii aan gurigeena ku ciyaarnay, waxaan abuurnay fursado badan, laakiin ugu dambeyntii iyaga ayaa ka faa’iideystay fursado yar. Tani waa kubadda cagta—waa murugo.”
Markii la weydiiyay haddii Liverpool hoos u dhacday marka loo eego xilli ciyaareedkii hore, Konaté si daacad ah ayuu uga jawaabay:
“Wax yar, laakiin waa inaanan illoobin wixii dhacay xilli ciyaareedkan—waxyaabo badan ayaa dhacay. Waxaan keenay ciyaartoy cusub iyo arrimo kale”
“Laakiin ciyaarta maanta waxay muujineysaa waxyaabo badan, sababtoo ah PSG ee xilli ciyaareedkan waxay u muuqataa mid ka xoog badan tii hore. Inaad sidaas u ciyaarto iyaga hortooda—ma oranayo waa inaan ku faraxnaa sababtoo ah waan guuldarreysanay—laakiin waa inaan ka dhisnaa halkaas oo aan ogaannaa sida aan u fiicnaan karno.”
Be the first to comment