Gary Neville ayaa sheegay in Gareth Southgate uuna noqon doonin Tababaraha Man United xilli uu cadaadisku ku badanayo Erik Ten Hag.
Man United Ayaa ku jirta xaalad adag iyaga ku jira kaalinta 8-aad ee kala saraynta horyaalka premier league xilli ciyaareedkan.
Mustaqbalka Ten Hag Ee Man United ayuu shaki ku jiraa iyada Oo si weyn loo fialyo in uu isaga tago kooxda dhamaadka xilli ciyaareedkan.
United Ayaa lala xidhiidhinayaa tababarayaal Badan kana mid yahay tababaraha xulka Qaranka England ee Garth Southgate.
Neville ayaa haatan sheegay in aanu Southgate noqon doonin Tababaraha Man United.
” Liverpool way ku dhibaatootay in ay hesho Tababare sidoo kale kooxaha kale ayaa ku dhibaatoonaya”ayuu Neville yidhi.
“Bayern Munich ayaa ku dhibaatoonaya in ay helaan Tababare, Halkee ayay Man United Ka helaysaa Tababare? Waxa aan qabaa in aanu Southgate iman doonin Man United”.
“Ma aaminsani in ay United sugayso ilaa bartamaha bisha July markaas Oo uu bilaaaban doono isku diyaarinta xilli ciyaareedka cusub, waxa ay u muuqataa in ayna Man United ogayn waxa ay samaynayaan”.
Be the first to comment