Koobka Adduunka 2026 wuxuu durba soo saaray dhacdooyin la xasuusan doono tobannaan sano. Laakiin marka laga yimaado goolasha, guulaha lama filaanka ah iyo xamaasadda tartanka, waxaa jira sheeko kale oo si deggan u socota – sheeko ku saabsan hidde iyo dhaxal, halkaas oo aabbayaashii hore u ciyaaray ay carruurtoodu maanta magacyadooda ka wataan masraxa ugu weyn kubadda cagta.
Waxa ugu yaabka badan ayaan ugu dambayn u reebnay, waayo tani ma aha oo keliya sheeko aabbe iyo wiil.
Markii ugu horreysay taariikhda Koobka Adduunka, waxaa ka qeyb galay Aabe iyo wiil.
Claudio Reyna & Gio Reyna (Mareykanka)
Claudio Reyna wuxuu ka mid yahay halyeeyada ugu waaweyn ee Mareykanka, isagoo ciyaaray afar Koob oo Adduun ah iyo 10 kulan oo tartankaas ah.
Wiilkiisa Gio Reyna ayaa Koobkan yimid isagoo doonaya inuu ka gudbo murankii uu la galay tababarihii hore Gregg Berhalter Koobkii Adduunka 2022.
Kulankii Paraguay, Gio wuxuu beddel ku soo galay, wuxuuna 16 daqiiqo gudahood dhaliyay gool cajiib ah daqiiqaddii 97-aad.
Kadib wuxuu kubbaddii geliyay funaanaddiisa hoosteeda isagoo nuugay suulka si uu ugu dabaaldego uurka xaaskiisa Chloe, taasoo ahayd markii ugu horreysay ee uu dadweynaha ugu shaaciyo inay ilmo sugayaan.
Alf-Inge Haaland & Erling Haaland (Norway)
Alf-Inge Haaland wuxuu ka tirsanaa xulka Norway ee Koobkii Adduunka 1994, balse wax gool ah kama dhalin.
Wiilkiisa Erling Haaland ayaa kulankiisii ugu horreeyay ee Koobka Adduunka ku dhaliyay laba gool kulankii Iraq.
Norway waxay ku badisay 4-1, Haaland-na wuxuu dhaliyay labadaas gool isagoo kubbadda taabtay 20 jeer oo keliya.
Maanta wuxuu ka mid yahay musharraxiinta ugu cadcad ee Kabta Dahabka ah.
Gøran Sørloth & Alexander Sørloth (Norway)
Gøran Sørloth wuxuu ciyaaray hal kulan Koobkii Adduunka 1994, balse wax gool ah ma dhalin.
Wiilkiisa Alexander Sørloth ayaa kulankiisii ugu horreeyay ee Koobka Adduunka ciyaaray, inkastoo uusan weli dhalin gool.
Qoyska Sørloth wali waxay sugayaan goolkoodii ugu horreeyay ee Koobka Adduunka.
Zinedine Zidane & Luca Zidane
Halyeeyga Zinedine Zidane wuxuu ka mid yahay khadka dhexe ee ugu fiicnaa taariikhda kubadda cagta.
Wiilkiisa Luca Zidane wuxuu ka qeyb galay Koobkan, laakiin ma uusan dooran France. Wuxuu doortay Aljeeriya, oo ah dalkii awoowayaashiis.
Luca wuxuu sheegay:
“Markaan ka fikiro Aljeeriya, waxaan xusuustaa awoowgay. Tan iyo yaraantaydii dhaqanka Aljeeriya wuxuu qayb ka ahaa qoyskeenna.”
Waxa kale oo uu ka soo kabtay jab ka gaaray daanka toddobaadyo yar ka hor tartanka.
Joseph Elanga & Anthony Elanga
Joseph Elanga wuxuu ku jiray xulka Cameroon ee Koobkii Adduunka 1998, balse hal daqiiqo ma ciyaarin.
Wiilkiisa Anthony Elanga ayaa doortay inuu matalo Sweden, dalkii uu ku dhashay.
Sweden waxay Tunisia ku garaacday 5-1, Elanga-na saameyn ayuu yeeshay.
Kulankii Netherlands ayuu sidoo kale dhaliyay gool qurux badan.
Lilian Thuram & Marcus Thuram
Lilian Thuram waa mid ka mid ah daafacyadii ugu fiicnaa France, waxaana uu dhaliyay labada gool ee France ku gaartay finalkii Koobka Adduunka 1998.
Wiilkiisa Marcus Thuram ayaa haatan ciyaaraya Koobkiisii labaad ee Adduunka.
Marcus wuxuu caawiyay goolkii Mbappé ee finalkii 2022, waxaana hadda uu qayb ka yahay weerarka xooggan ee France.
Sérgio Conceição & Francisco Conceição
Sérgio Conceição wuxuu u ciyaaray Portugal Koobkii Adduunka 2002.
Wiilkiisa Francisco Conceição, oo u ciyaara Juventus, ayaa kulankiisii ugu horreeyay ee Koobka Adduunka ciyaaray isagoo beddelay Bernardo Silva kulankii Congo DR.
Waxay ahayd 24 sano kadib markii aabbihii markii ugu horreysay ka ciyaaray tartankan.
Diego Simeone & Giuliano Simeone
Diego Simeone wuxuu u saftay Argentina saddex Koob oo Adduun ah.
Wiilkiisa Giuliano Simeone wuxuu ku jiraa xulka Argentina ee 2026, balse wali ma uusan ciyaarin.
Wuxuu sugayaa fursaddiisa si uu u sii wado magaca Simeone.
Bryan Gunn & Angus Gunn
Bryan Gunn wuxuu ahaa goolhayaha keydka Scotland Koobkii Adduunka 1990.
Wiilkiisa Angus Gunn ayaa maanta ah goolhayaha koowaad ee Scotland Koobka Adduunka 2026.
Waa isbeddel jiil oo dhammaystiran: aabbe keyd ahaa, wiilkuna waa goolhayaha koowaad.
Be the first to comment