Majaladda Faransiiska ah ee “France Football” ayaa daaha ka qaaday taariikhda lagu dhawaaqayo musharraxiinta u sharraxan abaal-marinta Ballon d’Or, ee laacibka ugu fiican adduunka sannadka 2024-ka.
Majaladda Faransiiska ayaa xaqiijisay in si rasmi ah loogu dhawaaqi doono musharrixiinta u sharraxan abaal-marinta Ballon d’Or maanta oo Arbaco ah kuna beegan 4 bisha September.
Xafladda Kubadda Dahabka ah ayaa la qorsheeyay in la qabto 28 bisha October ee soo socota iyada oo ka dhici doonta Magaalada Paris.
Xafladan ayaa waxaa lagu kala bixin doonaa abaal marinta ciyaaryahankii ugu wanagsanaa ee loo yaqaano (Golden Ball), abaal marinta macalinka ugu wanagsan ee rag iyo dumar, abaal marinta da’yarka ugu fiican iyo Goolhayaha ugu fiican.
Xiddigaha 30-ka ee u tartami doona abaalmarinta ayaa la shaacin doonaa maanta
Be the first to comment