Suuqa ayaa si Rasmi ah u furmay iyada oo kooxaha kala duwan u furantahay in ay dhamaystiraan saxiixyada.
Kooxaha ayaa haatan bilaabi kara in ay sameeyaan saxiixyada ay doonayaan in ay ku xoojiyaan kooxooda.
hadaba kooxda.com waxa ay idiin balan-qaadaysaa in ay si joogto ah idiinku soo gudbiso wararkii ugu dambeeyay ee suuqa.
Real Madrid ayaa ka dhigtay daafaca midig ee Liverpool Trent Alexander-Arnold bartilmaameedkooda ugu weyn ee suuqa kala iibsiga xagaaga 2025 markaas oo uu qandaraaskiisu dhacayo ( talkSPORT).
Madrid ayaa sidoo kale isku dayi doonta saxiixa Leny Yoro ka dib markii Manchester United ay dalab ka gudbisay daafaca oo ay aqbashay Lille. Yoro ayaa aad uga doorbidaya in uu ku biiro Real Madrid (RMC Sport).
Si kastaba ha ahaatee, Man Utd ayaa ku guuleysatay inay ku qanciso Yoro inuu u safro England si uu u maro tijaabada caafimaadka iyo inay kala hadlaan shuruudaha shaqsiyeed (Athletic).
Manchester City ayaa diiday dalab 25 milyan ah oo ay Al Nassr ku dooneysay goolhaye Ederson, iyadoo ku qiimeysay goolhayaha reer Brazil laba jibaar qiimahaas (Fabrizio Romano).
Liverpool ayaa weli xiiseyneysa ciyaaryahanka khadka dhexe ee Atalanta Teun Koopmeiners, Reds ayaana hogaanka u heysa tartanka loogu jiro saxiixa xiddiga reer Netherlands (Calciomercato).
Aston Villa ayaa diyaar u ah inay Barcelona iyo Chelsea kula xifaaltamaan xiddiga reer Spain Nico Williams, kaasoo markii ugu horeysay uu xagaagii lasoo dhaafay xiriir la sameeyay Unai Emery (TEAMtalk).
Arsenal iyo Chelsea ayaa ah labadii kooxood ee ugu dambeeyay ee ku haray xiisaha ay u qabaan weeraryahanka Sporting CP Viktor Gyokeres xagaagan (Football Transfers).
Manchester City ayaa ku wargelisay Julian Alvarez inaan la iibin doonin xagaagan. Atletico Madrid, Barcelona iyo PSG ayaa dhamaantood xiiso u qaba saxiixiisa (Caughtoffside).
Cole Palmer ayaa u sheegay saaxiibkiisa England Ollie Watkins inuu isaga tago Aston Villa oo uu ku biiro Chelsea (Football Insider).
Manchester United ayaa wax ka weydiisay daafaca dhexe ee Bayer Leverkusen Jonathan Tah, kaasoo rajaynayay inuu ku biiro Bayern Munich (Sky Sport Germany).
Liverpool ayaa lasheegayaa in ay aad ugu kalsoontahay soo xero galinta daafaca Crystal Palace ee Marc Guehi (TEAMtalk).
Daafaca kale ee diirada u saaran Liverpool ayaa ah xiddiga RB Leipzig Mohamed Simakan kaas oo ay la xidhiidhay kooxdiisa (Sky Sport Germany).
Atletico ayaa wadahadalo horumar leh kula jirta Manchester City si ay ula saxiixdaan xiddiga reer Argentine ee Julian Alvarez (Cesar Luis Merlo).
Be the first to comment