Xiddig Arsenal U Ciyaara Oo Kooxdiisa Ka Caawinaya Saxiixa Piero Hincapie

Difaaca Arsenal Jakub Kiwior ayaa ku dhow inuu u dhaqaaqo kooxda Porto, taasoo u furi doonta Gunners fursad ay ku qaataan Piero Hincapié.

Kiwior waxaa xiiso u muujinayay kooxo badan xagaagan kadib markii uu qaab ciyaareed fiican soo bandhigay dhamaadkii xilli ciyaareedkii hore ee Arsenal.

 

Difaaca dhexe ayaa ka bilaabay 12-kii ciyaarood ee ugu dambeeyay ololaha, wuxuuna si heer sare ah u ciyaaray isagoo buuxinayay booska Gabriel oo dhaawac ku maqnaa.

Warbixin ay bishan soo tebiyay Standard Sport ayaa sheegay in Porto ay rajaynaysay inay la soo saxiixato Kiwior, waxaana la fahamsan yahay inay hadda ku dhow yihiin inay heshiis la gaaraan Arsenal.

Wararka ka imanaya Portugal ayaa sheegaya in heshiiska uu noqon doono amaah, iyadoo lagu darayo qodob waajib ka dhigaya in si joogto ah loogu beddelo xagaaga soo socda.

Waxaa la sheegaya in heshiiska oo dhan uu ku kacayo qiyaastii £21.5 milyan, isla markaana Kiwior uu xitaa u duuli karo Portugal maalinta Talaadada si uu u maro tijaabada caafimaadka, inkastoo weli heshiis kama dambeys ah aan laga gaarin labada kooxood.

Bixitaanka Kiwior ayaa u furi doona waddada Arsenal inay u dhaqaaqaan difaaca Bayer Leverkusen, Hincapié.

Gunners waxay xiiso u hayeen muddo dheer daafacan 23 jirka ah, kaas oo sida Kiwior uga ciyaari kara bartamaha difaaca ama booska daafaca bidix.

Hincapié waxa uu leeyahay lacag lagu bur-burin karo heshiiskiisa oo dhan £52m, balse Arsenal waxay rajeynayaan inay heshiis ku gaaraan lacag ka yar taas.

Wuxuu noqon doonaa saxiixii sideedaad ee Arsenal xagaagan, isagoo wadarta kharashka kooxda gaarsiinaya ku dhawaad £300m.

 

Be the first to comment

Dhiibo Fikirkaaga