Waxa lagu guda jiraa suuqa kala iibsiga xagaagan iyada oo kooxuhu dadaal ugu jiraan xoojinta kooxda.
Waxa aan halkan ku soo bandhigi doonaa wararkki ugu dambeeyay ee suuqa kala iibsiga xagaagan.
Kooxda Arsenal ayaa isku diyaarinaysa in ay kooxda Crystal Palace Kala hadasho xiddiga Eberechi Eze iyaga doonaya in ay kala hadlaan qiimaha lagu heli karo xiddiga (Talksport).
Liverpool ayaa wadahadalo la yeelatay weeraryahanka Crystal Palace Jean-Philippe Mateta, oo 28 jir ah, iyadoo xiddiga reer France uu kula kulmay Paris (Footmercato).
Manchester United ayaa heshiis la gaartay Brentford si ay ula soo saxiixato weeraryahanka reer Cameroon Bryan Mbeumo, oo 25 jir ah (Football Transfers).
Ka dib markii ay wadahadalo bilow ah yeesheen bishii January, Chelsea ayaa xiiso u qabta saxiixa xiddiga kooxda man United ee (TBR Football).
Manchester United ayaa xiriir la samaysay kooxda Lyon si ay wax uga waydiiso helitaanka 30 jirka khadka dhexe ee reer France ee Corentin Tolisso. (L’Equipe).
Ciyaaryahanka garabka uga ciyaara Manchester United Alejandro Garnacho ayaa diiday inuu u dhaqaaqo kooxda Saudi Pro League ee Al Nassr, iyadoo 21 sanno jirkaan heerka caalami ee Argentina uu doorbidayo inuu u dhaqaaqo Yurub. (Telegraph).
Bayern Munich ayaa dareenkeeda u jeedin doonta weeraryahanka Arsenal iyo Belgium Leandro Trossard, oo 30 jir ah, haddii ay awoodi waayaan inay heshiis la gaaraan 28 jirka garabka uga ciyaara Liverpool Luis Diaz. (Bild).
Wakiilada weeraryahanka RB Leipzig Benjamin Sesko, oo 22 jir ah, ayaa la xidhiidhay Liverpool si ay u qiimeeyaan xiisaha ay u qabaan xiddiga heerka caalami ee dalka Slovenia ka dib markii ay Arsenal go’aansatay inay diirada saarto sidii ay ula soo wareegi lahayd Sporting Lisbon Viktor Gyokeres (TBR Football).
Chelsea ayaa xiiseyneysa saxiixa goolhayaha Paris St-Germain iyo Italy Gianluigi Donnarumma, 27. (L’Equipe).
Barcelona ayaa sii wadi doonta inay ka shaqeyso heshiisyada labada garab ee Liverpool iyo Colombia Luis Diaz, 28, iyo weeraryahanka Manchester United iyo England Marcus Rashford, oo 27 jir ah, laakiin kuma deg degi doonaan saxiixa labada ciyaaryahan. (Marca).
Juventus ayaa u soo bandhigtay Manchester United 8.65 milyan oo euro iyo lacago guno ah si ay ugala wareegaan xiddiga Jadon Sancho (Sky Sports Italy).
Ciyaaryahanka heerka caalami ee dalka Aston Villa Emiliano Martinez ayaa weli xiiseynaya Manchester United laakiin labada kooxood ayaa aad u kala fog qiimeynta 32 jirkaan (Telegraph).
Arsenal ayaa horumar ka samaysay wadahadalo heshiis kordhin ah oo ay la gashay 18 jirka khadka dhexe ee England Ethan Nwaneri (Fabrizio Romano).
Be the first to comment