Arne Slot ayaa sheegay inuusan hubin darnaanta dhaawaca Ibrahima Konate ee looga shakisan yahay inuu qabo dhaawac gacanta ah ka dib guushii 2-1 ee Liverpool ay ka gaareen Brighton laakiin wuxuu rajeynayaa in daafaca uu soo laaban karo ‘sida ugu dhaqsiyaha badan’ marka loo eego ‘saameynta’ xilli ciyaareedkan.
Konate, ayaa kulankiisii sagaalaad oo xiriir ah ku bilowday horyaalka Premier League, waxaana uu ciyaaray kaliya 45 daqiiqo kulankii Brighton ka hor inta aan lagu badalin Joe Gomez qaybtii dambe.
25 jirka reer France ayaa dareemayay xanuun daran waxana caawiyay dhakhaatiirta kooxda kuwaas oo garabka qabtay markii uu sii baxayay.
Dhaawaca Konte ayaa wal-wal ku abuuray Liverpool iyada oo daafacu muhiim u yahay kooxda.
“Ma garanayno sida uu xaalkiisu yahay haatan”ayuu Slot yidhi.
“Waxa uu dareemayaa xanuun badan waxana la geeyay Cusbitaalka si loo qiimeeyo xaaladiisa”ayuu sii raaciyay.
Be the first to comment